Paśla trahiedyi pad Vilejkaj u Biełarusi zabaranili lotać na deltapłanach, parapłanach i aŭtažyrach
Jak stała viadoma «Našaj Nivie», Departamient avijacyi Ministerstva transpartu pryniaŭ pastanovu, jakaja na niavyznačany čas zabaraniaje paloty nad Biełaruśsiu na ŭsich lohkich latalnych aparatach vahoj da 750 kiłahramaŭ.
Motadeltapłan, jaki raźbiŭsia ŭ Vilejskim rajonie. Fota: SK
Tyja, u kaho jość aŭtažyry, deltapłany, parapłany, motaparapłany, deltaloty, ciepłavyja aerastaty (pavietranyja šary), zaraz na niavyznačany čas nie zmohuć atrymać dazvoł na palot.
Rašeńnie abhruntoŭvajecca kłopatam ab biaśpiecy: niadaŭna pad Vilejkaj u vyniku lotnaj pamyłki raźbiŭsia motadeltapłan, zahinuli dva čałavieki.
Čytajcie taksama:
U Vilejskim rajonie dva čałavieki raźbilisia na motadeltapłanie