Bieśpiłotniki ŭnačy znoŭ sprabavali atakavać Krymski most
Rasijskaje Minabarony zajaviła, što Ukraina nibyta znoŭ sprabavała atakavać nadvodnymi dronami Krymski most — nibyta ŭnačy 2 vieraśnia źniščyli jašče dva bieśpiłotniki.
Ilustracyjnaje fota: skrynšot videa CNN
«2 vieraśnia kala 02:10 kijeŭskim režymam była pradpryniataja novaja sproba naniasieńnia terarystyčnaha ŭdaru pa Krymskim moście paŭzahłyblenym biezekipažnym kataram. Druhi ŭkrainski marski bieśpiłotnik byŭ źniščany ŭ akvatoryi Čornaha mora», — paviedamiła rasijskaje Minabarony.
Praź niekalki chvilin rasijanie zajavili, što nibyta źniščyli ŭžo treci ŭkrainski biezekipažny katar, jaki mieŭsia atakavać Krymski most.
Raniej rasijskaje Minabarony zajaviła, što nibyta ŭkrainski marski bieśpiłotnik sprabavaŭ atakavać Krymski most pozna ŭviečary 1 vieraśnia, ale nibyta byŭ źniščany ŭ akvatoryi Čornaha mora. Paviedamlałasia, što ruch aŭtatranspartu pa Krymskim moście z 00:00 časova pierakryty.
U 3:15 rasiejcy zajavili, što ruch aŭtatranspartu pa Krymskim moście adnavili.
Čytajcie taksama:
U Padmaskoŭi źbity bieśpiłotnik, jaki lacieŭ u bok Maskvy
SBU atakavała aeradrom u Kursku 27 žniŭnia kardonnymi dronami — «Ukrainskaja praŭda»