Zialenski mianiaje ministra abarony. Reźnikava źmienić krymski tataryn
Prezident Ukrainy Uładzimir Zialenski zajaviŭ, što źbirajecca zamianić na pasadzie ministra abarony krainy Alaksieja Reźnikava na Rustema Umierava.
«Alaksiej Reźnikaŭ prajšoŭ hetyja bolš čym 550 dzion poŭnamaštabnaj vajny. Liču, što Ministerstva maje patrebu ŭ novych padychodach i inšych farmatach uzajemadziejańnia jak z vajennymi, tak i z hramadstvam u cełym. Viarchoŭnaja Rada Ukrainy dobra viedaje hetaha čałavieka, i pan Umieraŭ nie patrabuje dadatkovych pradstaŭleńniaŭ. Čakaju ad parłamienta padtrymki hetaj kandydatury» — rastłumačyŭ svajo rašeńnie ŭkrainski lidar.
Rustem Umieraŭ naradziŭsia ŭ 1982 hodzie ŭ horadzie Bułunhur Samarkandskaj vobłaści, kudy siamja Umieravych u 1944 hodzie była departavanaja z Kryma. U kancy 1980-ch hadoŭ u ramkach repatryjacyi krymskich tataraŭ siamja viarnułasia ŭ Krym. Umieraŭ viadomy pradprymalnik, miecenat i palityk. Byŭ vybrany ŭ 2019 hodzie ŭ narodny deputaty ad partyi «Hołas». Z 2022 hoda — staršynia Fondu dziaržaŭnaj majomaści Ukrainy. Vajskovaha dośviedu nie maje.
Čytajcie taksama:
Ministr abarony Ukrainy raskazaŭ, jak Chrenin u pieršy dzień vajny prapanoŭvaŭ jamu kapitulacyju
Ukraincy z bojem uvajšli ŭ Rabocina, adtul evakuirujuć mirnych žycharoŭ
Čamu ŭkrainskaje kontrnastupleńnie idzie pavolniej, čym čakałasia