«Treba pahladzieć, jakija buduć praktyčnyja nastupstvy». Źjaviłasia reakcyja Jeŭrasajuza adnosna biełaruskich prablem z pašpartami
Pradstaŭnik Jeŭrasajuza na pres-kanfierencyi ŭ Bruseli prakamientavaŭ nastupstvy ŭkaza Łukašenki ab zabaronie vydačy pašpartoŭ biełarusam za miažoj. Pavodle jaho, heta «čarhovy raz demanstruje hrebavańnie biełaruskich uładaŭ pravami svaich hramadzian».
7 vieraśnia pradstaŭnik źniešniepalityčnaj słužby ES Pieter Stana prakamientavaŭ ukaz Łukašenki «Ab paradku vydačy dakumientaŭ i ździajśnieńnia dziejańniaŭ», jaki siońnia ŭvajšoŭ u dziejańnie. Na dumku pradstaŭnikoŭ Jeŭrasajuza, tak biełaruskija ŭłady chočuć prymusić biełarusaŭ viarnucca na radzimu, kab prymianić da ich represii.
«Jeŭrasajuz rašuča asudžaje hetaje rašeńnie, my praciahniem padtrymlivać biełaruski narod u jaho imknieńni da demakratyi.
Što ž tyčycca ŭkaza, to, jak ja razumieju, jon ustupaje ŭ siłu siońnia. Nam treba pahladzieć, jakija praktyčnyja nastupstvy buduć dla hramadzian Biełarusi, jakija žyvuć na terytoryi ES», — adznačyŭ Stana.
Čytajcie taksama:
Kamanda Cichanoŭskaj u «pastajannym kantakcie» z uradami krain, dzie žyvuć biełarusy — Rychter
Polski deputat: Abaviazkova znojdziecca rašeńnie, kab biełarusy mahli zastavacca ŭ Polščy