Minsk čakaje skok cenaŭ na žytło
Łukašenka zahadaŭ abmiežavać abjomy žyllovaha budaŭnictva ŭ stalicy.
Abjomy žylla, što budujecca ŭ Minsku, buduć skarektavanyja ŭ bok źmianšeńnia.
Jak paviedamiŭ dyrektar KUP «Minskhrada» Alaksandr Piatroŭ dla ahienctva «Minsk-naviny», «padčas razhladu karektury Hienieralnaha płana raźvićcia stalicy da 2030 hoda Alaksandr Łukašenka pastaviŭ zadaču stvaryć maksimalna kamfortnyja ŭmovy pražyvańnia dla haradžan. Tamu zaraz «Minskhrada» ŭdakładniaje niekatoryja paramietry, zakładzienyja ŭ hienpłanie, kab źmienšyć ščylnaść zabudovy».
Raniej karektura praduhledžvała paskoranuju zabudovu horada. Ciapier vyrašyli vynieści budaŭnictva častki žytła z horada na terytoryju vobłaści.
Zamiest uvodu 2 młn kvadratnych mietraŭ žytła, jak płanavałasia raniej, u Minsku buduć štohod uzvodzić 1,2 młn.
Kolkaść nasielnictva stalicy da 2030 hoda nie pavinna pieravysić 2 miljonaŭ čałaviek. Płanavałasia 2 miljony 150 tysiač.
Adnak płyń achvotnych pierajechać na žycharstva ŭ najbolšy horad — z najlepšymi ekanamičnymi mahčymaściami i kulturny centr — budzie raści. Tamu ŭ realnaści najbolš abmiažoŭvać kolkaść ludziej budzie tolki rost cenaŭ na žytło.