Pad Brasłavam ratavalniki vyciahnuli z bahny łasiania
U lesie pad Brasłavam u mielijaracyjnym kanale zahruz małady łoś — dy tak hruntoŭna, što nad vadoj zastavałasia tolki hałava. Śmierć była b dla žyvioliny nieminučaj, kab na dapamohu nie pryjšli ludzi, paviedamili ŭ MNS.
Fota: MNS
Łasiania trapiła ŭ biadu ŭ lesie pablizu vioski Ejtmiany Brasłaŭskaha rajona. Razam z ratavalnikami na dapamohu žyviolinie adpravilisia śpiecyjalisty z rajonnaj vietstancyi i pryrodaachovy. Jany vyjavili, što łasiania boŭtajecca ŭ zatoplenym mielijaracyjnym kanale hłybinioj kala dvuch mietraŭ — nad vadoj tyrčała tolki hałava.
Fota: MNS
Pry dapamozie padručnych srodkaŭ i viaroŭki ratavalnikam udałosia vyciahnuć žyviolinu z kanała. Trochi adlažaŭšysia paśla takoj pryhody, małady łoś staŭ na nohi i ŭciok u les.
Fota: MNS
Čytajcie taksama:
Kala 75% maładych busłoŭ hinuć u pieršy hod žyćcia padčas mihracyi. Čamu tak?
Jak siońnia škodziać biełaruskaj pryrodzie staradaŭnija štučnyja kanały?