Paviedamili pra poŭny demantaž łahiera vahnieraŭcaŭ pad Asipovičami. «Biełaruski Hajun» piarečyć
Z padačy ruskaj redakcyi «Radyjo Svaboda», jakaja paraŭnała spadarožnikavyja zdymki, siońnia pajšła raspaŭsiudžvacca infarmacyja, što ŭ łahiery PVK «Vahnier» u vioscy Cel pad Asipovičami nibyta demantavali ŭsie namioty. Ale manitorynhavaja hrupa «Biełaruski Hajun» śćviardžaje, što hetaha pakul nie adbyłosia.
«Navat na spadarožnikavym zdymku servisu Planet.com vidać, što demantavanaja tolki častka namiotaŭ. A sam zdymak ad 18 vieraśnia achoplivaje tolki tracinu terytoryi łahiera», — śćviardžaje «Biełaruski Hajun».
Pra častkovy razbor łahiera manitorynhavaja hrupa paviedamlała jašče 8 vieraśnia, ale kazać pra poŭny demantaž pakul nielha.
Čytajcie taksama:
Paśla śmierci Pryhožyna Zinhman sprabuje pierachapić achoŭnyja kantrakty «Vahniera» — krynicy
U Biełarusi pradajuć majki z vyjavami Pryhožyna i «Vahniera»
Paśla śmierci Pryhožyna razharnułasia baraćba za jaho spadčynu