Łatvija siońnia zakryvaje adzin z dvuch punktaŭ propusku na biełaruskaj miažy
Z metaŭ biaśpieki Łatvija vyrašyła z 19 vieraśnia zakryć adzin z dvuch pamiežnych kantrolna-prapusknych punktaŭ — «Silenie» (ź biełaruskaha boku «Urbany»), piša Delfi.
Punkt propusku «Silenie». Fota: tuda-suda.by
Pavodle MUS Łatvii, za minułyja sutki byŭ spynieny nielehalny ŭjezd bolš jak 100 čałaviek u krainu. Nielehalnyja mihranty ŭsio čaściej akazvajuć supraciŭleńnie pamiežnikam i supracoŭnikam palicyi.
Napružańnie na miažy ŭzmacniajecca, tamu ŭ metach ekanomii resursaŭ pamiežny punkt začynieny, u tym liku, i kab dać sihnał Biełarusi, što Łatvija abaraniaje svaju miažu, patłumačyła rašeńnie premjer-ministarka Evika Silinia.
Zakryćcio pamiežnaha pierachodu Silenie dazvolić Łatvii pieravieści 40-50 pamiežnikaŭ dla achovy miažy ŭ inšaje miesca.
Ciapier lehalna pierasiekčy miažu ź Biełaruśsiu možna tolki praz KPP «Paternijeki» («Hryharoŭščyna»).