U «śpis ekstremistaŭ» dadali jašče 34 čałavieki. Siarod ich praŭnuk Jakuba Kołasa, Łarysa Ščyrakova, Mikita Najdzionaŭ
22 vieraśnia MUS zrabiła abnaŭleńnie «Pieraliku hramadzian Biełarusi, zamiežnych hramadzian abo asob biez hramadzianstva, jakija majuć dačynieńnie da ekstremisckaj dziejnaści». Ciapier u śpisie 3324 čałavieki, piša «Viasna».
Siarod inšych u śpis dadali praŭnuka Jakuba Kołasa Mikitu Bruja, jakoha asudzili za sadziejničańnie «ekstremisckaj» dziejnaści, žurnalistku Łarysu Ščyrakovu, fihurantaŭ spravy ab napadzie na ambasadu Biełarusi ŭ Łondanie Siarhieja Rabušku, Alaksandra Naprejenku, Maksima Zujeva i Vadzima Bahaŭkova, muzyku Mikitu Najdzionava.