Žychar Rečycy, jaki padpaliŭ mašynu razam z saboj, pamior u špitali
Zdareńnie adbyłosia ŭ Rečycy 17 vieraśnia. 66-hadovy mužčyna, pa viersii milicyi, padpaliŭ svoj aŭtamabil.
Haryć mašyna piensijaniera. Skryn videa pablika «ČP Homiel | Novosti Homielskoj obłasti» va «UKantakcie»
Pavodle milicyi, piensijanier adahnaŭ mašynu padalej ad stajanki i padpaliŭ jaje. Kali pryjechali pažarnyja, to nie padpuskaŭ ich da achoplenaha połymiem aŭtamabila, pahražajučy pradmietam, padobnym da naža.
Uzbudžanaha mužčynu supakoili, abliŭšy vadoju z pažarnaha šłanha. Ź miesca zdareńnia jaho zabrała milicyja ŭ kajdankach i adviezła ŭ balnicu.
Siońnia stała viadoma, što mužčyna pamior ad apiokaŭ.
Čytajcie taksama:
U Homieli aŭtamabil milicyi trapiŭ u DTZ i pierakuliŭsia
U centry Astraŭca zhareŭ punkt prodažu šaŭrmy VIDEA
U Lidzie prydumali sposab baraćby z «honščykami» na elektrasamakatach