Na aŭkcyjon vystavili harnałyžny kompleks «Łahojsk»
Z aŭkcyjonu pasprabujuć pradać bujny łot — viadomy harnałyžny spartyŭna-azdaraŭlenčy kompleks «Łahojsk». Prapanova źjaviłasia na placoŭcy «Biełrealizacyi».
Fota: beltorgi.by
Tarhi pa kompleksie projduć 1 listapada, zajaŭki buduć prymać ad 2 da 31 kastryčnika.
U pieralik majomaści ŭvachodzić šmat roznaha dabra. Naprykład, haściavyja damy na roznuju kolkaść numaroŭ, łaźnia z trenažornaj załaj, sauna, punkt prakatu na 1500 naviedvalnikaŭ, park viarovačnych zabaŭ i piejntboł, mnostva dziciačych haradkoŭ, šmat mebli, muzyčnaha abstalavańnia, niekalki atrakcyjonaŭ i navat vietrazievaje abstalavańnie dla dziciačaha karabla.
Nu i, viadoma, śniehavyja harmaty i harnałyžnyja trasy.
Uładalnik usiaho hetaha dabra — TAA «Trajpł», jaki naležyć apalnamu bujnomu biznesmienu Juryju Čyžu.
Pačatkovy košt — 23 998 669 rubloŭ (kala 7 351 857 dalaraŭ).
Čytajcie taksama:
U Drazdach pradajuć katedž pa šalonaj canie. Što ŭ im?
Čyžoŭski «Załaty hrabieńčyk» znoŭ nie pradali, choć davali źnižku
Sielhaskompleks Juryja Čyža na Łahojščynie pierajšoŭ u inšyja ruki