U minskim mietro biełaruskuju łacinku aktyŭna mianiajuć na rasiejščynu
U minskim mietro nadpisy na biełaruskaj łacincy zamianili na ruskamoŭnyja varyjanty. Hetaje rašeńnie raniej anansavała kiraŭnictva horada i mietrapalitena.
Tak vyhladali nadpisy ŭ minskim mietro raniej
Zamienu pakazalnikaŭ u mietro ŭ vieraśni anansavaŭ staršynia Minharvykankama Uładzimir Kucharaŭ.
«Ciapier pravodzim hetuju pracu na prypynačnych punktach. Adnačasova jaje nie zrabić z-za vialikaha abjomu. Pytańnie adpracoŭvajem sistemna. U adpaviednaści ź dziejnym zakanadaŭstvam my jaho ŭrehulujem», — kazaŭ jon u intervju «Minsk-Naviny».
Ciapier źjaviłasia paćviardžeńnie taho, što hety praces sapraŭdy idzie.
Usiaho ŭ minskim mietro bolš za 3,5 tysiačy pakazalnikaŭ. Usie raboty płanujuć zaviaršyć da kanca hoda.
U krasaviku hetaha hoda ŭ Biełarusi było admieniena patrabavańnie tranślitaravać hieahrafičnyja nazvy tolki ź biełaruskaj movy, vykarystoŭvajučy tradycyjnuju biełaruskuju łacinku. Hetaha dabivalisia prarasijskija aktyvisty i błohiery, jakim łukašysty pajšli nasustrač.
Čytajcie taksama:
Nahadajem, što vy možacie čytać «Našu Nivu» i łacinkaj
Na prypynkach u Minsku stała źnikać łacinka
«Łupi łacinkaj!» Biełarus zrabiŭ łacinizatar dla Mac
Łukašysty pazbavilisia biełaruskaj łacinki ŭ tranślitaracyi hieahrafičnych nazvaŭ