Barel anansavaŭ histaryčnuju sustreču kiraŭnikoŭ MZS krain ES u Kijevie
Sustreča pavinna prajści siońnia ŭ Kijevie i stać pieršaj u historyi sustrečaj kiraŭnikoŭ MZS krain Jeŭrasajuza pa-za miežami ES.
Žazep Barel u Kijevie. 2 kastryčnika 2023 hoda. Fota: Efrem Lukatsky / AP
U Kijevie 2 kastryčnika projdzie pieršaja ŭ historyi sustreča kiraŭnikoŭ MZS usich krain JeC, paviedamiŭ viarchoŭny pradstaŭnik JeC pa zamiežnych spravach.
Jon nazvaŭ Ukrainu budučym siabram ES. Barel padkreśliŭ, što sustreča ŭsich kiraŭnikoŭ zamiežnapalityčnych viedamstvaŭ upieršyniu prachodzić za miežami supolnaści.
«My tut, kab vykazać našu salidarnaść i padtrymku ŭkrainskamu narodu», — zajaviŭ Barel.
Jon taksama zajaviŭ, što Jeŭrasajuz budzie dapamahać Ukrainie niezaležna ad palityki ZŠA. Dapamoha Brusiela nosić doŭhaterminovy charaktar i nijak nie źviazanaja z tym, što adbyvajecca ŭ Złučanych Štatach, padkreśliŭ Barel.