U Niamieččynie kiroŭcu znoŭ za jeŭra dali staryja biełaruskija kupiury
Hetym razam fakt machlarstva zafiksavany ŭ municypalitecie Brajtenbrun (Bavaryja).
Incydent adbyŭsia ŭ subotu 30 vieraśnia pamiž 18:00 i 18:30 na darozie B16, paviedamlaje sajt «Biełaruś i śviet» sa spasyłkaj na miascovuju palicyju.
Aŭtamabil z 18-hadovym kiroŭcam za rulom spynili žestami dvoje mužčyn. Jany chacieli abmianiać hrošy. Pry hetym pavodzili siabie naporysta: adzin biez zaprašeńnia sieŭ u mašynu maładoha čałavieka i zapatrabavaŭ jechać da banka, a druhi pajechaŭ na svaim transpartnym srodku zzadu.
Mužčyny chacieli atrymać 1100 jeŭra. Ale ŭ vyniku paciarpieły pieradaŭ nievialikuju trochznačnuju sumu najaŭnymi. Uzamien jon atrymaŭ «załaty łancužok», a taksama dźvie kupiury pa 500 niedeminavanych biełaruskich rubloŭ kožnaja, jakija, jak vyśvietliłasia potym, ničoha nie vartyja.
Ciapier pravaachoŭniki šukajuć mahčymych śviedak zdareńnia albo inšych achviar machlaroŭ.
Za apošnija miesiacy ŭ Niamieččynie zafiksavanyja niekalki anałahičnych vypadkaŭ.