«Mama, heta kalibry!» U Hrodnie zaŭvažyli istotu, vielmi padobnuju da minijaciurnaj ptuški
Niezvyčajnuju istotu zaŭvažyli ŭ kancy vieraśnia kala adnoj z hrodzienskich škoł. Ubačyć kahości vielmi padobnaha da kalibry pašancavała čytačcy NewGrodno.by, jakaja źniała ŭsio na videa.
Kalibry — heta vielmi maleńkaja ptuška, jakaja machaje kryłami ź nievierahodnaj chutkaściu i pyrchaje ad kvietki da kvietki. Ale jana ŭ našych krajach nie žyvie.
Tamu aŭtarka videa była ŭražanaja, kali zaŭvažyła kahości vielmi padobnaha da minijaciurnaj ptušački ŭ Hrodnie.
Ale, chutčej za ŭsio, heta byŭ niezvyčajny matylok z rodu bražnikaŭ — jazykan zvyčajny. Ciopłaje nadvorje paspryjała tamu, što hetaja hościa z poŭdnia zazirnuła ŭ naš kraj.
U matylka-jazykana vialiki chabatok, jaki padobny da dziuby kalibry. Jon, jak i ptuška, aktyŭna pracuje kryłami i zdolny zavisać nad kvietkami, kab vysmaktać ź ich niektar. Matylok sustrakajecca ŭ bijatopach, jakija dobra prahravajucca, na ŭźmiežkach lasoŭ.
Vid zdolny da dalokich mihracyj. U jaho raźvivajucca dva pakaleńni ŭ hod. Pieršaje pakaleńnie (lot z pačatku maja da siaredziny lipienia) składajecca ŭ asnoŭnym z asobin, jakija prylatajuć z poŭdnia, a častka matylkoŭ druhoha pakaleńnia (lot z kanca žniŭnia da kanca kastryčnika) vosieńniu mihruje na poŭdzień.
Čytajcie taksama:
Strašnaja pojedź: kožny hod Łuniniec atakujuć vusieni amierykanskaha biełaha matyla
Miod, bałoty i duby. Dzie i jak adpačyć na Paleśsi vosieńniu?