«Vykazvajem padtrymku narodu Izraila ŭ ich baraćbie za svaju krainu». Cichanoŭskaja asudziła CHAMAS i padtrymała Izrail
U suviazi z atakaj Izraila bajevikami paleścinskaj hrupoŭki CHAMAS Śviatłana Cichanoŭskaja zapisała admysłovy zvarot, u jakim asudziła teraryzm i hvałt i vykazała salidarnaść z narodam i ŭładami Izraila.
Fota Ofisa Śviatłany Cichanoŭskaj
«My kateharyčna asudžajem hetuju ahresiju i vykazvajem padtrymku narodu Izraila ŭ ich baraćbie za svaju krainu. Teraryzm i hvałt, zachop zakładnikaŭ i katavańni, zabojstva mirnych hramadzian nie mohuć być apraŭdanyja ničym!» — zajaviła Cichanoŭskaja, vykazaŭšy ŭpeŭnienaść, što «złačyncy, jakija raźviazali vajnu i pakvapilisia na klučavyja čałaviečyja kaštoŭnaści, paniasuć pakarańnie».
Biełaruskaja demakratyčnaja lidarka vykazała spačuvańnie siemjam i blizkim zahinułych padčas hetaj vajny i asobna źviarnułasia da bolš jak 120 000 biełarusaŭ, jakija ciapier žyvuć u Izraili, z prośbaj bierahčy siabie i svaich blizkich.
«Demakratyčnyja siły Biełarusi vystupajuć za ŭstalavańnie miru na Blizkim Uschodzie i za mirnaje vyrašeńnie kanfliktaŭ», — padkreśliła Cichanoŭskaja.
Čytajcie taksama:
Homielskija prapahandysty pazłaradničali z nahody vajny ŭ Izraili
U 14 nasielenych punktach kala miažy Hazy praciahvajucca bai
Izrail atakavaŭ u Hazie 17 vajennych kompleksaŭ
Napad CHAMAS na Izrail. Pa ŭsioj terytoryi krainy ŭviedziena nadzvyčajnaje stanovišča