Piać pasažyrskich samalotaŭ padali sihnały tryvohi ŭ palocie nad terytoryjaj Rasii
Rejsy vystavili kod adkazčyka «Ahulnaja tryvoha» padčas znachodžańnia ŭ palocie.
Ilustracyjnaje fota: Wikimedia Commons
Piać pasažyrskich samalotaŭ padali sihnały tryvohi ŭ palocie nad terytoryjaj Rasii, paviedamili TASS u avijacyjnych słužbach.
«Rejsy Čarapaviec — Maskva, Samara — Sankt-Pieciarburh, Pietrazavodsk — Maskva vystavili kod adkazčyka «Ahulnaja tryvoha» padčas znachodžańnia ŭ palocie», — skazaŭ surazmoŭca ahienctva.
Paśla hetaha, pavodle jaho słoŭ, sihnały tryvohi padali taksama rejsy Sabieta (Jamał) — Maskva i Pietrazavodsk — Sankt-Pieciarburh.
Paźniej Rasavijacyja nazvała pryčynaj atrymańnia sihnałaŭ tryvohi ad piaci samalotaŭ zboj u sistemie adsočvańnia
U viedamstvie paviedamili, što śpiecyjalisty centra Adzinaj sistemy arhanizacyi pavietranaha ruchu nie zafiksavali spracoŭvańnia avaryjnych režymaŭ u aŭtamatyzavanaj sistemie kiravańnia pavietranym rucham.
Rasavijacyja dapuściła, što ŭ servisie adsočvańnia FlightRadar adbyŭsia sistemny zboj.