«Biełpoł»: U Viktara Babaryki — zboi ŭ sercy
Arhanizacyja byłych siłavikoŭ «Biełpoł» daviedałasia, što Viktar Babaryka, jaki adbyvaje pakarańnie ŭ navapołackaj kałonii, maje prablemy sa zdaroŭjem.
Viktar Babaryka. Maj 2020 hoda. 18 červienia 2020 hoda jon byŭ zatrymany razam z synam, a praz hod asudžany na 14 hadoŭ kałonii. Fota: «Naša Niva»
«Viktar Babaryka pa-raniejšamu izalavany ad inšych źniavolenych i ŭtrymlivajecca adzin u pamiaškańni kamiernaha typu (PKT) VK № 1 u Navapołacku, maje prablemy sa zdaroŭjem — zboi ŭ pracy serca», — paviedamlaje «Biełpoł».
Taksama jany zaznačajuć, što ŭ kancy krasavika Viktar Babaryka byŭ źmieščany ŭ balnicu.
«Surjoznyja cialesnyja paškodžańni byli naniesienyja Viktaru Babaryku pradstaŭnikami karnych struktur, jakija nie adnosiacca da piersanału kałonii i śpiecyjalna pryjazdžali ŭ PK-1 dla praviadzieńnia «prafiłaktyčnaj hutarki», jakaja pierarasła ŭ žorstkuju akcyju zastrašvańnia», — śćviardžaje «Biełpoł».
Nahadajem, što pra eks-kiraŭnika Biełhazprambanka ničoha nie viadoma amal paŭhoda, z 25 krasavika.