Zatrymali troch supracoŭnikaŭ «Biełśpiecenierha»
Paviedamlajecca, što jany byli zatrymanyja nibyta za padpiski na pabliki, pryznanyja ekstremisckimi, a taksama za «raspalvańnie nacyjanalnaj varožaści».
Skrynšot videa
Siłaviki zatrymali troch rabotnikaŭ inžynierna-techničnaha adździeła pradpryjemstva «Biełśpiecenierha». Videa z zatrymanymi źmieščana ŭ blizkim da HUBAZiKa telehram-kanale.
Paviedamlajecca, što jany byli zatrymanyja nibyta za padpiski na pabliki, pryznanyja ekstremisckimi, a taksama za «raspalvańnie nacyjanalnaj varožaści».
Adzin z zatrymanych kaža, što z pačatkam vajny va Ukrainie jon nie byŭ zhodny z rašeńniem rasijskaha kamandavańnia, byŭ padpisany na «destrktyŭnyja telehram-kanały», a taksama pakidaŭ abraźlivyja kamientary ŭ adras vajskoŭcaŭ i milicyjantaŭ.
Inšy rabotnik pramaŭlaje na videa na biełaruskaj movie. Jon kaža, što byŭ padpisany taksama na destruktyŭnyja kanały, rabiŭ reposty. Jon zaznačaje, što niahledziačy na toje, što ŭsio vydaliŭ, usie roŭna byŭ zatrymany.
Telehram-kanał paviedamiŭ, što zatrymanyja «raspalvali nacyjanalnuju nianaviść u siecivie i rasklejvali ŭlotki».
Čytajcie taksama:
Zatrymali ŭdzielnicu žanočaha łancuha salidarnaści i dvuch mužčyn, jakija razdavali kvietki
Michaiła Łapunova asudzili da administracyjnaha aryštu piaty raz zapar
«Jašče adzin pakutlivy hod pa ŠIZA, karcarach i izalatarach». Vyniesieny prysud Źmitru Daškieviču