Kampanija Mark Formelle pradstaviła vobrazy dla spatkańniaŭ i aburyła padpisčykaŭ
Kampanija Mark Formelle pakazała ŭ svaim instahramie vobrazy dla dziaŭčat na spatkańnie. I ŭsio nibyta dobra, kali b nie adzin skandalny momant, piša Blizko.by.
Madel na videa prymiaraje roznyja kamplekty, u jakich možna pajści na spatkańnie. Naprykład, dla sustrečy ź jurystam idealnym budzie dziełavy kaścium, z prahramistam — džempier i štany karha, ź miedykam — sukienka ź biełym kaŭnierykam.
A voś apošni vobraz — dla spatkańnia z abjuzieram — źbiantežyŭ niekatorych padpisčyc. Z uboram usio vydatna — dziaŭčaty jaho acanili, ale z nahody taho, ci varta ŭ pryncypie mieć spravu z abjuzieram, razharełasia dyskusija. I Mark Formelle daviałosia apraŭdvacca.
Adna z karystalnic napisała, što da abjuziera «naohuł lepš nie chadzić na spatkańnie. Patrebna była pižama na hetym miescy — tamu što dama zastałasia doma».
Inšaja dadała: «Nie było b tak śmiešna, kali b viedaŭ narod realnaść… Abjuzier — heta toj čałaviek, jaki nie daruje, kali nie zabje, to zadušyć usie vašy žadańni, emocyi, charaktar u cełym».
«Lepš nie chadzić, tamu što sukienka tam moža i nie vyratavać», — adznačyła treciaja.
Śpiecyjalisty kampanii napisali ŭ kamientarach, što heta vobraz dla apošniaha spatkańnia. «Ubirajemsia i idziem raźvitvacca», — rastłumačyli zadumku ŭ Mark Formelle.
Čytajcie taksama:
Mark Formelle zrabiŭ rekordnuju karcinu sa škarpetak
Mark Formelle prezientavaŭ škarpetki z cytatami z «Pieśniaroŭ»
Ciapier i Barbi moža «kuplać biełaruskaje». Mark Formelle pakazaŭ kalekcyju adzieńnia dla lalek