Brytanskaja vyviedka ahučyła novyja acenki strat Rasii z pačatku vajny
Pavodle acenak brytanskich analitykaŭ, tempy raschodavańnia žyvoj siły rasijskich vojskaŭ pavialičylisia. Hetamu papiaredničali biespaśpiachovyja šturmy ŭmacavanych pazicyj USU ŭ rajonie Aŭdziejeŭki, piša VVS.
Zahinuły rasijski sałdat za niekalki kiłamietraŭ ad Andrejeŭki Danieckaj vobłaści Ukrainy, vierasień 2023 hoda. Fota: Alex Babenko / AP Photo
Vyviedka nazyvaje prykładnyja ličby strat rasijskich US.
Imavierna, z pačatku poŭnamaštabnaj stadyi rasijska-ŭkrainskaj vajny ŭ lutym 2022 hoda niezvarotnyja straty rasijskich vojskaŭ (zabityja i jakija vybyli z ładu ŭ vyniku ranieńniaŭ) składajuć 150—190 tysiač čałaviek.
Ahulnuju kolkaść strat z ulikam časova paranienych (ačuniałych i tych, što mohuć viarnucca na pole boju) brytanskaja raźviedka aceńvaje ŭ 240—290 tysiač čałaviek. U hetuju kolkaść uvachodziać tolki vajskoŭcy rehularnych padraździaleńniaŭ, biez uliku najmitaŭ hrupoŭki «Vahnier».
Ni rasijski, ni ŭkrainski bok nie paviedamlaje pra svaje straty na vajnie.