Na hrodzienskim aŭtavakzale źnikli hałasavyja abviestki pa-biełarusku
Na źniknieńnie biełaruskamoŭnych abjaŭ na aŭtavakzale źviarnuli ŭ sacsietkach uvahu miascovyja žychary.
Jak piša «Radyjo Racyja», adnamu z haradziencaŭ u administracyi aŭtavakzała patłumačyli, što raniej takija abjavy rabiŭ čałaviek, a ciapier pryjšła kampjutarnaja prahrama ź Minska. Da taho ž u krainie dźvie dziaržaŭnyja movy.
Pytańni, čamu źnikła mienavita biełaruskaja mova i ci nie źbirajucca transpartniki ŭžo całkam uvajści ŭ Rasiju, «vyklikali nievialiki skandał».
Aburany žychar Harodni napisaŭ skarhu, ale miarkuje, što efiektu nie budzie.
Taksama dniami stała viadoma, što ŭ maładziečanskich elektryčkach źnikli biełaruskamoŭnyja abviestki — z pryjomnikaŭ u vahonach hučyć tolki ruskaja mova.