Akaŭnty Lepsa i Hazmanava ŭ Spotify ŭzłamali. Tam raźmiaścili zakliki spynić vajnu va Ukrainie
Vyjavy ŭ profilach Hazmanava i Lepsa zamienienyja na fatahrafiju vykanaŭcy Clonnex sa Lvova. Na fota stylizavanym pad kroŭ šryftam napisana «Stop war in Ukraine», piša «Mieduza».
Taksama tam raźmieščana spasyłka na telehram-kanał. Jaho aŭtary, u pryvatnaści, abiacajuć «usim praruśniavym śpievakam stavić na avatarku Kłonieksa».
U adnym z paviedamleńniaŭ adznačajecca, što aŭtaram nie ŭdałosia «zabrać» akaŭnt śpievaka Shaman. U śpisie tych, kaho «zabrać» atrymałasia, paznačany taksama Chabib i Galibri & Mavik — adnak u fotazdymkach u ich akaŭntach antyvajennaha pryzyvu niama.
Aleh Hazmanaŭ i Ryhor Leps padtrymali rasijskaje ŭvarvańnie va Ukrainu i, u pryvatnaści, vystupili na kancercie ŭ «Łužnikach» da hadaviny pačatku vajny i na kancercie na Krasnaj płoščy da hadaviny anieksii čatyroch ukrainskich rehijonaŭ. Taksama abodva vystupali na Danbasie.
Čytajcie taksama:
Aleh Hazmanaŭ pra dziejańni Polščy i Litvy: Jak možna ich nie pakarać? Treba!
«Dyskateka SSSR», cyrk, ukrainka z Rasii: kvitki na jakija kancerty razychodziacca ciapier najlepš