Zatrymali jašče adnaho ajcišnika. Hubazikaŭcy pišuć, što z takim zarobkam jamu varta było źjechać u Jeŭropu
Mužčynu staviać u vinu jaho kamientary.
Vadzim Vaščenka. Fota: jahonaja staronka «UKantakcie» (archiŭnaja kopija)
Hrodziencu Vadzimu Vaščenku 39 hadoŭ. Raniej Vadzim pracavaŭ na pradpryjemstvach, ale ŭ apošnija niekalki hadoŭ pierabraŭsia ŭ IT-śfieru.
Jon fułstek-raspracoŭščyk, pracuje z JavaScript i TypeScript. Byŭ zaniaty na startapie, jaki zajmajecca patahistałohijaj, to-bok daśledavańniem paškodžanych tkanak čałavieka. Z dapamohaj novych technałohijaŭ heta robicca davoli chutka i, zhodna z zajavami raspracoŭščyka, daje nadziejny vynik.
U dopisie HUBAZiKa ahučvajecca jahonaja zarpłata, kala čatyroch tysiačaŭ dalaraŭ. «Treba było jechać u hiejropu i žyć tam na 4000 dalaraŭ, — kažuć hubazikaŭcy.
Mužčynu zatrymali za kamientary ŭ telehram-čatach. Viadoma, što kanał siłavikoŭ, jaki nazyvajecca «Postupi po soviesti», vykładaŭ piersanalnyja źviestki mužčyny z prapanovaj samomu pryjści ŭ HUBAZiK.
Čytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć