Žycharoŭ Babrujska asudzili za kvietki i śviečki kala pomnika achviaram represij
U minułuju niadzielu ŭ Babrujsku byli zatrymany byłaja doktarka Danuta Dziačenka i vykładčyk ź miascovaha kaledža Viktar Schaba. Babrujčan zatrymali ŭ niadzielu paśla ŭskładańnia kvietak i zapalvańnia śviečak da pomniku «achviaram nieabhruntavanych represij» kala płoščy Pieramohi.
Paśla zatrymańnia ich advieźli dadomu na vobšuki, paśla jakich była kanfiskavana technika, piša «Viasna».
U paniadziełak nad imi adbylisia sudy pavodle art. 24.23 KaAP (niesankcyjanavanaje pikietavańnie). U vyniku Danucie Dziačenka dali štraf 740 rubloŭ, a Viktaru Schabu — dźvie bazavyja vieličyni (74 rubli).
U kastryčniku 2022 hoda taksama asudzili babrujčanina za błakitna-žoŭtyja łampadki kala hetaha pomnika — jaho identyfikavali pa adbitkach palcaŭ. Tady mužčynu aryštavali na 15 sutak.
Čytajcie taksama:
Žłobinca asudzili za 2020 hod da «chatniaj chimii»
Aryštavali supracoŭnika navapołackaha «Palimira»
Achoŭnika kramy «Biłd» u Oršy aryštavali ŭžo čatyry razy zapar