Eks-ministr Navumaŭ uciakaje ŭ Maskvu
Jon pakidaje kiraŭnictva Fiederacyjaj chakieju i sychodzić u rasijski biznes.
Jon pakidaje kiraŭnictva Fiederacyjaj chakieju i sychodzić u rasijski biznes.
Uładzimir Navumaŭ vyrašyŭ syści z pasady staršyni Fiederacyi chakieja Respubliki Biełaruś. Pra heta jon zajaviŭ siońnia na pazačarhovym pasiadžeńni vykankama FCHRB.
Uładzimir Navumaŭ paviedamiŭ, što ŭ chutkim časie budzie pracaŭładkoŭvacca za miežami Biełarusi, tamu nie zmoža nadavać chakieju dastatkova času. Jon nazvaŭ svajo rašeńnie ŭzvažanym. «Jano daśpieła samo», paviedamiŭ jon žurnalistam 18 śniežnia.
Pracavać Navumaŭ maje ŭ Maskvie, u śfiery biznesu. U jakaści menedžera, a nie ŭłaśnika, patłumačyŭ były ministr.
Udzielniki pasiadžeńnia vykankama vyrašyli pravieści spravazdačna‑vybarnuju kanfierencyju FCHRB 21 studzienia 2010 h., na jakoj i budzie abrany kiraŭnik chakiejnaj fiederacyi.
Navumaŭ adznačyŭ, što jaho nie zadavalniała toje, što «pačali sprabavać prymać niejkija chakiejnyja rašeńni nie ŭ fiederacyi, a na baku i fiederacyju tolki stavili ŭ viadomaść pra toje, jakoje rašeńnie pryniataje».