Dva biełarusy-dalnabojniki zahinuli ŭ DTZ. Ich fury na łatvijskich numarach sutyknulisia ŭ Rasii
U subotu, 4 listapada, dva hruzaviki z łatvijskimi numarami sutyknulisia na trasie M-9 u Ćviarskoj vobłaści RF. Kiroŭcy zahinuli. Hetuju infarmacyju Rus.LSM.lv paćvierdzili i ŭ halinovaj asacyjacyi Latvijas auto. Pavodle jaje źviestak, mašynami, jakija sutyknulisia ŭ łob, kiravali hramadzianie Biełarusi ź Viciebska.
Fota ź miesca zdareńnia: tverincident / vk.com
Pa papiarednich danych, adzin z kiroŭcaŭ vyjechaŭ na sustrečnuju pałasu i sutyknuŭsia ź inšym hruzavikom.
«Viadoma, što adna fura jechała na razhruzku, druhaja była pustaja. Heta abiedźvie łatvijskija firmy [uładalniki]. Kiroŭcami byli biełarusy, pracavali na zakonnych padstavach», — raspavioŭ Alaksandr Čarkasaŭ, člen praŭleńnia i vykanaŭčy dyrektar Łatvijskaj asacyjacyi hruzapieravozčykaŭ Latvijas auto.
Pavodle jaho słoŭ, adnamu vadzicielu było 27 hadoŭ, druhomu — 45 hadoŭ. Abodva byli z adnaho horada — Viciebska.