Zaviali kryminalnuju spravu adnosna parušeńnia pravił vytvorčaj biaśpieki na «Viciebskdrevie»
11 listapada na terytoryi pradpryjemstva adbyłosia ŭzharańnie pyłapavietranaj sumiesi z nastupnym uzharańniem i vykidam praduktaŭ hareńnia. U vyniku incydentu traŭmavany rabotnik pradpryjemstva.
Traŭmavany mužčyna dahetul znachodzicca ŭ ciažkim stanie, u 49-hadovaha pacyjenta — adkrytaja pranikalnaja čerapna-mazhavaja traŭma, paškodžańni tvarnaha škileta, množnyja rany tvaru.
Paśla ahladu miesca zdareńnia byli kanfiskavanyja abjekty i pradmiety, jakija majuć značeńnie dla spravy. «Śledčyja dapytvajuć rabotnikaŭ arhanizacyi, vymajuć i analizujuć techničnuju dakumientacyju. Płanujecca pryznačeńnie nieabchodnych ekśpiertnych daśledavańniaŭ», — havorycca ŭ paviedamleńni Śledčaha kamiteta.
Viciebski haradski adździeł Śledčaha kamiteta raspačaŭ kryminalnuju spravu pavodle č. 2 art. 302 (parušeńnie pravił vytvorča-techničnaj dyscypliny, pravił biaśpieki na terytoryi vybuchovaniebiaśpiečnaha cecha, jakoje paciahnuła ź nieaściarožnaści pryčynieńnie ciažkaha cialesnaha paškodžańnia) Kryminalnaha kodeksa Biełarusi.
Čytajcie taksama:
Tata nie kupiŭ dačce samakata — i ledź nie staŭ fihurantam kryminalnaj spravy
«Dźvie sistemy tarmažeńnia». Čamu adbyłasia avaryja na šachcie «Biełaruśkalija»