CACHAŁ: izrailskija vojski zachapili niekalki administracyjnych budynkaŭ CHAMAS u horadzie Haza
Armija abarony Izraila paviedamlaje, što vajskoŭcy 7-j braniatankavaj bryhady i piachotnaj bryhady «Hałani» zachapili niekalki ŭradavych budynkaŭ CHAMAS u kvartałach Šejch Idžlin i Rymal horada Haza.
Fota: Leo Correa
Siarod abjektaŭ, zaniatych vojskami, — zakanadaŭčaja rada CHAMAS, jaho ŭradavy kompleks i štab-kvatera palicyi.
U paviedamleńni havorycca, što vojski ŭziali pad kantrol tak zvany dom hubiernatara Hazy, u jakim raźmiaščalisia ŭstanovy vajennaha kryła i palicyi CHAMAS, ofisy raźviedvalnaha padraździaleńnia CHAMAS i inšyja abjekty, jakija vykarystoŭvalisia dla padrychtoŭki da terarystyčnaha napadu 7 kastryčnika.
Sałdaty taksama viaduć ahoń pa bajevikach u horadzie Haza.
CACHAŁ paviedamlaje, što zachopleny taksama budynak inžyniernaha fakulteta adnaho z univiersitetaŭ Hazy, jaki «słužyŭ instytutam pa raspracoŭcy i vytvorčaści zbroi», i jašče adzin kompleks CHAMAS z trenirovačnaj bazaj, kamandnym centram, pakojami dla dopytaŭ i kamierami dla zatrymanych.
Raniej u sacyjalnych sietkach źjavilisia fatahrafii, na jakich bačna, što sałdaty bryhady «Hałani» znachodziacca ŭ budynku zakanadaŭčaj rady ŭ siektary Haza, jaki raniej kantralavaŭ ruch CHAMAS, a taksama ŭ štab-kvatery vajennaj palicyi.
Čytajcie taksama:
CACHAŁ zajaviŭ, što CHAMAS adstupiŭ z poŭnačy Hazy i moža vyzvalić zakładnikaŭ
CHAMAS straciŭ kantrol nad poŭnačču siektara Haza — Nietańjachu