MTZ zapłacić 500 rubloŭ, kali pryviadzieš novaha supracoŭnika
Minski traktarny zavod anansavaŭ časovy rehulamin, jaki praduhledžvaje zaachvočvańnie za sadziejničańnie ŭ pošuku novych rabotnikaŭ.
Pieraličvajucca nastupnyja vakansii:
- — kiroŭca-vyprabavalnik;
- — zubarezčyk;
- — kaval-štampoŭščyk;
- — naładčyk aŭtamatyčnych linij i ahrehatnych stankoŭ;
- — naładčyk kavalska-presavaha abstalavańnia;
- — naładčyk stankoŭ i manipulataraŭ z prahramnym kiravańniem;
- — apieratar mietałareznych stankoŭ-aŭtamataŭ;
- — apieratar stankoŭ z prahramnym kiravańniem;
- — ślesar-instrumientalščyk;
- — stanočnik šyrokaha profilu;
- — tokar;
- — tokar-rastočnik;
- — tokar-karusielščyk;
- — frezieroŭščyk;
- — šlifoŭščyk.
Na pradpryjemstvie zaklikajuć pryvodzić takich ludziej na pracaŭładkavańnie va ŭpraŭleńnie kadraŭ (Centralnaja prachadnaja MTZ, kab.309)!
Umova: razrad pavinien być nie nižej za treci.
Paśla taho, jak novyja supracoŭniki adpracujuć try miesiacy biez parušeńniaŭ pracoŭnaj i vytvorčaj dyscypliny, čałaviek, jaki pryvioŭ novaha rabotnika, atrymaje 500 rubloŭ za kožnaha!
Pałažeńnie pačnie dziejničać 1 śniežnia 2023 hoda.