Haradzienca asudzili za kamientar pra Łukašenku ŭ jutub-kanale rasijskaha błohiera
U sudzie Leninskaha rajona Hrodna 9 listapada asudzili Ihara Žuka pavodle č. 1 art. 368 (abraza Łukašenki).
Mužčynu abvinavacili ŭ tym, što jon u jutubie pakinuŭ kamientar u bok Łukašenki pad videa «Biełaruś: schavanaja mabilizacyja i ŭvod vojskaŭ z Rasii | Ukraina, Łukašenka i NATA» rasijskaha błohiera Illi Varłamava. U jaho ŭ telefonie znajšli dadatak Youtube, u jakim u raździele «Kamientary» i byŭ adpaviedny dopis, piša «Viasna».
Ihar Žuk pracavaŭ stanočnikam drevaapracoŭčych stankoŭ u zakrytym akcyjaniernym tavarystvie.
Da vyniasieńnia prysudu jon znachodziŭsia pad vartaj.
Sudździa Natalla Horbač pryznačyła Iharu dva hady «chimii».
Čytajcie taksama:
Uradženca Baranavičaŭ asudzili na piać hadoŭ za 100 danataŭ
Siłaviki prymusili zatrymanaha minčuka «pryznacca» va ŭdziele ŭ stačcy