Cichanoŭskaja parekamiendavała, što rabić u «adziny dzień hałasavańnia»
Śviatłana Cichanoŭskaja prapanavała biełarusam 5 sposabaŭ, jak tut i ciapier reahavać tak zvany «Adziny dzień hałasavańnia», pryznačany na 25 lutaha 2024 hoda. Jana taksama padkreśliła, što ni biełarusy, ni mižnarodnaja supolnaść vyniki hetych «biazvybaraŭ» nie pryznajuć.
«Ja zaklikaju vas vykazać niazhodu z vybarčym farsam — chacia ja razumieju, što va ŭmovach teroru biaśpiečnych sposabaŭ amal nie zastałosia», — kanstatavała Cichanoŭskaja.
U toj ža čas jana nazvała piać dziejańniaŭ (ci biaździejańniaŭ), jakija kožny ź biełarusaŭ, jakija zastajucca ŭ krainie, usio ž taki mohuć rabić:
- paźbiahać udziełu ŭ lubych režymnych mierapryjemstvach;
- vykarystoŭvać niezaležnyja miedyja dla atrymańnia praŭdzivaj infarmacyi. Pry hetym, adnak, abaviazkova vykarystoŭvać VPN i prybirać ličbavyja ślady;
- nie dazvalać režymu padmanuć siabie, svaich blizkich i siabroŭ. Im treba tłumačyć, čamu toje, što abviaściŭ Łukašenka — heta «biazvybary»;
- źbirać dokazy złačynstvaŭ režymu i jaho pamahatych. Jany pavinny viedać, što paniasuć adkaznaść za svaje dziejańni;
- vykarystoŭvać srodki tvorčaha samavyražeńnia: muzyku, kino, mastactva, satyru i ironiju. Navat razmova na biełaruskaj movie moža być sposabam vyražeńnia niazhody.
Čytajcie taksama:
Cichanoŭskaja praviała ŭ Vilni bryfinh z pasłami 30-ci krain, siarod jakich i pasoł Armienii