660 hruzavikoŭ stajać u čarzie na ŭjezd z Łatvii ŭ Biełaruś
Pavodle źviestak Dziaržaŭnaj pamiežnaj achovy Łatvii, u subotu ranicaj na troch łatvijskich pamiežnych punktach u čarzie na ŭjezd u Rasiju ci Biełaruś stajali bolš za 1000 hruzavikoŭ.
Ilustracyjnaje fota
Samyja vialikija čerhi — na łatvijska-biełaruskaj miažy. Na pamiežnym punkcie Paternijeki svajoj čarhi čakajuć 660 hruzavikoŭ. Takaja kolkaść hruzavikoŭ u čarzie nazirajecca ź viečara 1 śniežnia, piša Delfi.lv.
Na pamiežnym punkcie Cierachava na łatvijska-rasiskaj miažy ŭ čarzie stajać kala 430 hruzavikoŭ. Z 00:00 ich kolkaść źmienšyłasia ŭsiaho na 10.
Pryčyna čerhaŭ nie nazyvajecca.
Doŭhija čerhi nazirajucca z pačatku listapada, kali kolkaść hruzavikoŭ na punktach propusku pačała imkliva raści.