«Vidavočny prykład palityki impieryjalizmu i nieakałanijalizmu». Saviet Respubliki zaklikaŭ spynić błakadu Kuby
Prezidyum Savieta Respubliki apublikavaŭ zajavu ab nieabchodnaści spynieńnia ekanamičnaj, finansavaj i handlovaj błakady, uviedzienaj ZŠA suprać Respubliki Kuba, jakaja ŭžo ciahniecca bolš za 60 hadoŭ. Navina ŭ telehram-kanale vierchniaj pałaty supravadžajecca dźviuma małankami.
Piotra Mašeraŭ i Fidel Kastra ŭ Chatyni ŭ 1972 hodzie. Fota: narb.by
«Prezidyum Savieta Respubliki Nacyjanalnaha schoda rašuča vystupaje za spynieńnie ekanamičnaj, handlovaj i finansavaj błakady, uviedzienaj Złučanymi Štatami Amieryki suprać Kuby, jakaja praciahvajecca zvyš 60 hadoŭ. Jana źjaŭlajecca aburalnym parušeńniem ahulnapryznanych normaŭ i pryncypaŭ mižnarodnaha prava, samym biesčałaviečnym aktam ekanamičnaha hienacydu, vidavočnym prykładam palityki impieryjalizmu i nieakałanijalizmu», — havorycca ŭ zajavie.
«U suviazi ź mižnarodnym Dniom pravoŭ čałavieka, jaki adznačajecca 10 śniežnia, i 75-hodździem pryniaćcia Usieahulnaj dekłaracyi pravoŭ čałavieka my znoŭ padkreślivajem: adnabakovyja prymusovyja miery akazvajuć niehatyŭnaje ŭździejańnie na realizacyju asnoŭnych pravoŭ čałavieka, sparadžajuć hłabalnyja ryzyki i pahrozy dla čałaviectva, źjaŭlajucca adnoj z hałoŭnych pieraškod na šlachu dasiahnieńnia met ustojlivaha raźvićcia», — tryvožacca ŭ Saviecie Respubliki.
«Vykazvajem svaju salidarnaść z družalubnym kubinskim narodam u supraćdziejańni niezakonnaj sankcyjnaj palitycy ZŠA i sprobam umiašańnia ŭ spravy Kuby», — reziumujuć u viedamstvie.