Pucin faktyčna pryznaŭ, što paluje na apazicyjanieraŭ u Rasii
Ščyruju i hučnuju zajavu prezident Rasii Uładzimir Pucin zrabiŭ mimachodam, siarod inšaha, adkazvajučy na pytańnie pra źniavolenuju ŭ Rasii žurnalistku.
Hałoŭny apazicyjanier Rasii Alaksiej Navalny, źniavoleny na 19 hod kałonii
Pucina spytali pra žurnalistku i aŭtarku kanała «Piakielnyja babki» Alaksandru Bajazitavu, jakaja atrymała 5 hadoŭ kałonii pa spravie ab «vymahańni» ŭ top-mieniedžara Pramsuviaźbanka (abvinavačańnie prasiła 14 hadoŭ). Žurnalist vydańnia Life nazvaŭ prysud Bajazitavaj nieadpaviednym jaje dziejańniu, a jaje pieraśled — «palavańniem na viedźmaŭ».
Pucin ź im nie pahadziŭsia, bo Bajazitava, pavodle jaho, nie apazicyjanierka.
«Nie pierahinajcie, jakoje palavańnie na viedźmaŭ? Što jana takoha zrabiła? Jana što, bujnaja apazicyjnaja dziajačka, kab na jaje palavać?» — skazaŭ Pucin.