Prahrama ź biełaruskimi karaniami Flo ŭvajšła ŭ śpis najlepšych vynachodak hoda pa viersii Time
Časopis Time unios ananimny režym u trekiery Flo u top-200 najlepšych vynachodak 2023 hoda. Kampanija trapiła ŭ raździeł «Prahramy i prahramnaje zabieśpiačeńnie».
U červieni 2022 hoda Viarchoŭny sud ZŠA pryniaŭ rašeńnie, jakoje aŭtamatyčna admianiała prava na aborty ŭ šerahu štataŭ. Heta vyklikała aściarohi za zachavanaść adčuvalnych źviestak u karystalnic trekieraŭ mienstrualnaha cykła, piša Devby.io.
U vieraśni taho ž hoda Flo dabaviła ŭ prahramu ananimny režym, u jakim klučavyja źviestki, naprykład, źviestki ab cykłach i simptomach, pieranosiacca ŭ novy ŭlikovy zapis, jaki nie ŭtrymlivaje nijakaj piersanalnaj infarmacyi.
Funkcyja realizavana ŭ partniorstvie z Cloudflare. Sioleta Flo vykłała jaje zychodny kod na GitHub.
Darečy, u kastryčniku ŭ prahramie dla žanočaha zdaroŭja źjaviłasia i mužčynskaja častka — Flo for Partners.