«1ok». Hrodzienski muzyka tochka K vydaŭ novy albom
«Piaty pa paradku, pieršy — pa pahružeńni ŭ siabie», — tak pradstaviŭ svoj novy albom artyst.
Muzyka Jaŭhien Kučmiejna (tochka K) vydaŭ novy albom «1ok».
«Kožny z nas byŭ školnikam. U peŭny sensie kožny z nas školnikam zastajecca i ciapier. Heta historyja źjaŭleńnia, žyćcia i źniknieńnia adnaho ź ich. Jana raspaviadajecca z dapamohaj piesień, jakija hučać u adpaviednaści z chranałohijaj asnoŭnych etapaŭ žyćcia hieroja, — «razvaročvaje» ideju alboma muzykant. — Nazva alboma paviedamlaje pra toje, što dziejańnie viadziecca ad pieršaj asoby. Školnik časam samotny, ale jamu ŭ adzinocie — ok. Kali ad prasłuchoŭvańnia hetaha albomu ŭ słuchaču, choć nienadoŭha, abudzicca ŭnutrany školnik, značyć, jon byŭ napisany nie darma», — napisaŭ muzyka.
Pasłuchać albom možna pa spasyłcy.
Jaŭhien Kučmiejna — chłopiec ź Iŭja, šmathranny hrodzienski muzyka, čyje vystupy bolš nahadvajuć emacyjny šamanski pierformans. Jaŭhien maje dačynieńnie da šmat jakich jaskravych hrodzienskich hurtoŭ. Jahony asabisty tvorčy prajekt «.K» — sapraŭdnaja źjava ŭ biełaruskim andehraŭndzie, prasiaknutaja muzyčnymi dy hukavymi ekśpierymientami i dziŭnaj, zachaplalnaj enierhietykaj, ličyć Budzma.org.
Čytajcie taksama:
Dziejačy kultury padviali vyniki hoda i dali prahnozy — vielmi supiarečlivyja
Bašłykievič zapisaŭ haračuju afišu da kancerta. Na muzyku — tolki abutak i hitara VIDEA
«Byłych pankaŭ nie byvaje». Płejlist błohierki Lizy Vietravaj