Alijeŭ padtrymaŭ prapanovu Łukašenki zabudavać Karabach
Siońnia ŭ Pieciarburhu adbyłasia sustreča Alaksandra Łukašenki i prezidenta Azierbajdžana Ilchama Alijeva.
Pieramovy adbylisia na palach niefarmalnaha samitu SND u Sankt-Pieciarburhu i doŭžylisia bolš za dźvie hadziny.
«Alijeŭ paćvierdziŭ prapanovu Biełarusi ŭziać udzieł u madernizacyi i budaŭnictvie infrastrukturnych abjektaŭ u Karabachu», — paviedamlaje «Puł pieršaha».
Taksama jany abmierkavali vizit Łukašenki ŭ Azierbajdžan. Havaryłasia i ab pramysłovaj kaapieracyi, supracoŭnictvie ŭ sielskaj haspadarcy, vajenna-pramysłovym siektary.