Rektar EHU prakamientavaŭ infarmacyju pra mahčymaje pryznańnie ŭniviersiteta «ekstremisckim»
8 studzienia pra toje, što Jeŭrapiejski humanitarny ŭniviersitet, što mieścicca ŭ Vilni, nieŭzabavie pryznajuć «ekstremisckaj» arhanizacyjaj, zajaviŭ prapahandyst Ihar Tur. U suviazi z hetym rektar EHU Kšyštaf Rybiński daŭ aficyjny adkaz adnosna finansavańnia ŭniviersiteta i mahčymym pryznańni studentaŭ dy vykładčykaŭ «ekstremistami», piša «Novy čas».
Kšyštaf Rybiński
Kšyštaf Rybiński adznačyŭ, što vyšejšaja navučalnaja ŭstanova całkam finansava stabilnaja i niadaŭna atrymała dadatkovuju padtrymku ad Jeŭrasajuza na sumu bolš za 4 młn jeŭra. Sponsary harantujuć zabieśpiačeńnie niepieraryŭnaha funkcyjanavańnia EHU ŭ budučyni.
«Kiraŭnictva ŭniviersiteta ŭzajemadziejničaje i supracoŭničaje z roznymi niaŭradavymi arhanizacyjami, uklučajučy pradstaŭnikoŭ Ofisa Śviatłany Cichanoŭskaj, ale heta nijakim čynam nie aznačaje, što ŭniviersitet jak-niebudź jurydyčna ci finansava stanovicca zaležnym ad palityčnych abjadnańniaŭ», — adznačyŭ rektar.
Rybiński padkreśliŭ, što lubyja śćviardžeńni ab palityzacyi dziejnaści ŭniviersiteta abo abvinavačvańni ŭ tym, što administracyja ŭhavorvaje studentaŭ udzielničać u palityčnych dziejańniach, źjaŭlajucca niedakładnaj infarmacyjaj, jak i inšaja chłuśnia ŭ vypusku prapahandysta Ihara Tura.
Čytajcie taksama: