Kancler Niamieččyny Šolc praciahvaje karystacca pnieŭmapoštaj XIX st. A ŭsio z-za strachu pierad rasijskimi chakierami
Viedamstva fiederalnaha kanclera płanavała admovicca ad pnieŭmatyčnaj pošty da 2025 hoda. Takija aparaty ŭviali jašče ŭ XIX stahodździ ŭ časy Hiermanskaj impieryi i kajzieraŭ.
Fota: Michael Sohn / AP
Ciapier sistema kapsuł i trub sa ścisnutym pavietram u ofisie kiraŭnika ŭrada składajecca z 36 stancyj. Ich ekspłuatacyja abychodzicca ŭ 15 000 jeŭra ŭ hod, štomiesiac pa pnieŭmapošcie dasyłajuć kala 1000 listoŭ, piša Bild.
U kabiniet kanclera viadzie truba pad numaram adzin, u pakoj urada — pad numaram dva. Pavodle haziety Süddeutsche Zeitung, Ołaf Šolc nakłaŭ vieta na admovu ad pnieŭmapošty z-za strachu pierad rasijskimi chakierami.
Kapsuła dla pnieŭmapošty. Fota: Wikimedia Commons
«Šolc admoviŭsia ad płanaŭ pa ŭtylizacyi sistemy pnieŭmatyčnych trubak XIX stahodździa, jakaja vykarystoŭvałasia dla transparciroŭki sakretnych dakumientaŭ u jaho ofis, bo jana akazałasia važnym instrumientam u baraćbie z rasijskimi špijonami, — piša brytanskaja Daily Telegraph. — Sistema pnieŭmatyčnych trubak ujaŭlaje saboj redki prykład taho, nakolki prostaja anałahavaja technałohija moža być lepšaj dla nacyjanalnaj biaśpieki».
Va ŭradzie Niamieččyny zajavili, što listy pa pnieŭmapošcie «zvyčajna tyčacca terminovych pracesaŭ, ich nielha pierasyłać u elektronnym vyhladzie abo praz kurjerskuju słužbu, bo, naprykład, jany sakretnyja abo pavinny być padpisany ŭ aryhinale».
Čytajcie taksama:
Ołaf Šolc moža daterminova pajści ŭ adstaŭku — Bild
Ołaf Šolc čarhovy raz zachvareŭ na karanavirus
Šolc apublikavaŭ svajo fota z paviazkaj na voku i drapinami na tvary