Va Ukrainie ŭpieršyniu vykarystali «hibrydnuju» sistemu SPA FrankenSAM
Unačy 17 studzienia ŭkrainskija vajskoŭcy ŭpieršyniu ŭ bajavych umovach vykarystali sistemu SPA prajekta FrankenSAM. Sistema źbiła Shahed z adlehłaści 9 kiłamietraŭ, paviedamiŭ ministr pa pytańniach stratehičnych halin pramysłovaści Ukrainy Alaksandr Kamyšyn na bryfinhu ŭ Davosie.
Zdymak ilustracyjny
Pavodle słoŭ Alaksandra Kamyšyna, usie pieršyja sistemy SPA FrankenSAM užo razhornutyja na poli boju.
Prajekt FrankenSAM — heta hibrydnyja sistemy SPA, jakimi sumiesna zajmajucca Pientahon, Ministerstva abarony Ukrainy i Ministerstva pa pytańniach stratehičnych halin pramysłovaści Ukrainy.
Faktyčna heta try zienitna-rakietnyja kompleksy: saviecki ZRK «Buk» z amierykanskimi rakietami RIM — 7 Sea Sparrow, rakiety «pavietra-pavietra» AIM-9M u spałučeńni z savieckimi RŁS i ZRK na bazie ŭkrainskich starych sistem z elemientami i rakietami ad Patriot.
Aficyjny pradstaŭnik Pientahona skazaŭ, što vyprabavańni hetaj sistemy ŭ kastryčniku 2023 hoda byli paśpiachovymi. Adznačajecca, što varyjanty hibrydnych sistem SPA prajšli vyprabavańni na vajskovych bazach u ZŠA i musili być dastaŭlenyja va Ukrainu vosieńniu. U śniežni ZŠA i Ukraina padpisali dekłaracyju ab sumiesnaj vytvorčaści zbroi.
Čytajcie taksama:
Jak ukraincy źbili rasijski samalot A-50 koštam u 330 miljonaŭ dalaraŭ
«Sastarełaja technałohija». Kitaj pryznaŭ nieefiektyŭnymi hipierhukavyja «cuda-rakiety» Pucina