U Drahičynie brutalna zatrymali 6 čałaviek, adzin ź ich trapiŭ u reanimacyju
Mužčyn, pavodle infarmacyi pravaabaroncaŭ, abjadnoŭvaje toje, što jany zajmajucca prymiežnym handlem.
Pa infarmacyi bresckich pravaabaroncaŭ, 16 studzienia ŭ horadzie Drahičynie i v. Svaryń byli žorstka zatrymanyja minimum šaściora mužčyn.
Aficyjnaj nahodaj dla vobšukaŭ staŭ nibyta pošuk zbroi. Vobšuki prachodzili brutalna: zryvałasia padłoha i naviasnyja stoli ŭ damach, vybivalisia vokny ŭ mašynach.
Pavodle krynicy, adzin z zatrymanych doŭha lažaŭ na vulicy na ziamli dy spłyvaŭ kryvioju. Paźniej jaho dastavili ŭ reanimacyju. Jaki dalejšy los mužčyny, nieviadoma.
Pavodle surazmoŭcaŭ, mužčyn abjadnoŭvaje toje, što jany zajmajucca prymiežnym handlem («čaŭnočnym biznesam»). Pamiery ich abarotu surjoznyja, biznes pierachodziŭ ludziam jašče ad baćkoŭ.
Pa stanie na ŭčora, minimum 1 z zatrymanych byŭ vyzvaleny.