Vielizarny Kazachstan piarojdzie na adziny časavy pojas
Dahetul u krainy byli dva časavyja pajasy.
Z 1 sakavika ŭ Kazachstanie budzie dziejničać 5-y časavy pojas (UTC+5), piša tengrinews.kz.
Roźnica ź Minskam składzie dźvie hadziny.
Hadzińniki pieraviaduć u Astanie, Ałmaty, Šymkiencie i jašče 12 rehijonach respubliki.
Akimatam haradoŭ Astana, Ałmaty, Šymkient, Abajskaj, Akmalinskaj, Ałmacinskaj, Žambyłskaj, Žetysuskaj, Karahandzinskaj, Kastanajskaj, Paŭładarskaj, Paŭnočna-Kazachstanskaj, Turkiestanskaj, Ułytauskaj, Uschodnie-Kazachstanskaj abłaściej u noč z 29 lutaha na 1 sakavika hoda (u 00:00) nieabchodna pieravieści miascovy čas na 1 hadzinu nazad.
Kazachstan zajmaje siomaje miesca pa terytoryi ŭ śviecie: jaho płošča składaje 2 młn 700 tysiač kvadratnych kiłamietraŭ. Jon krychu mienšy za Arhiencinu i bolšy za Ałžyr.
Praciahłaść Kazachstana z zachadu na ŭschod składaje bolš za 3000 kiłamietraŭ.