Kab ukałoć Łukašenku, Pucin paciahnuŭ jaho na chakiejnuju arenu
Praciahvajecca čarhovy vizit Łukašenki da Pucina. Spačatku jany ŭviali ŭ ekspłuatacyju novy zimovačny kompleks stancyi ŭ Antarktydzie. Paśla pajechali ŭ adnym aŭto ŭ chakiejny pałac «SKA-Arena».
Jany ahledzieli pamiaškańni areny, ladovuju placoŭku, a taksama parazmaŭlali z chakieistami picierskaha kłuba SKA, siarod jakich jość i biełarusy.
Haściam padaryli džersi SKA: Pucinu z numaram 11, Łukašenku — z numaram 01.
Možna mierkavać, što Pucin paciahnuŭ Łukašenku na chakiejnuju arenu niezdarma. Da ŭvodu ŭ ekspłuatacyju «SKA-Areny» najvialikšy chakiejny pałac Kantynientalnaj chakiejnaj lihi byŭ u Minsku. Ale ciapier picierski pałac abahnaŭ «Minsk-Arenu».
Łukašenku z Pucinym taksama zaprasili vyjści na lod. Ale zhulać u lubimuju hulniu atrymajecca naŭrad ci — bo Łukašenka atrymaŭ traŭmu.