U niekalkich sibirskich haradach Rasii admianili kancerty Kryściny Arbakajcie
Vystupy śpiavački admianili ŭ Irkucku, Krasnajarsku, Novasibirsku i Bracku.
Kryścina Arbakajcie, fota Instagram
Mierapryjemstva ŭ Irkucku admianili paśla niekalkich kamientaroŭ u telehram-kanale hubiernatara, u jakich Arbakajcie nazvali dačkoj «zamiežnaha ahienta» [Ała Puhačova nie pryznanaja zamiežnym ahientam, im pryznany jaje muž — Maksim Hałkin — NN]. Sama artystka admienu kancertaŭ pakul nie kamientavała, piša «Novaja hazieta. Jeŭropa».
U studzieni stała viadoma, što kancert śpiavački admianili ŭ Buracii. Na Arbakajcie paskardzilisia členy arhanizacyi «Bajavoje braterstva», respublikanskaha Sajuza vieteranaŭ, Hramadskaj pałaty Buracii, a taksama viadomy pa svaich danosach Vital Baradzin.
Pryčynami dla hetaha stała toje, što śpiavačka nie vykazała svajoj pazicyi ab vajnie va Ukrainie, nibyta «finansavała USU» i atrymała zamiežnaje hramadzianstva, a ŭ Rasiju pryjechała tolki dla zarobku hrošaj.
Čytajcie taksama:
Mikita Michałkoŭ raskazaŭ, što rasijskich artystaŭ prymušajuć jeździć na Danbas dziela karjery