U Aśviei 17-hadovy pjany junak na matacykle ciahaŭ na ciubinhu maci
U miastečku ŭvahu inśpiektaraŭ darožna-pastavoj słužby pryciahnuŭ matacykł Wels biez rehistracyjnych znakaŭ. Kiroŭca buksiravaŭ sanki i ciubinh, u jakich byli ludzi, paviedamlaje pres-słužba MUS.
Milicyjanty spynili niezvyčajny kartež. Ad udzielnikaŭ pajezdki išoŭ pach ałkaholu, stan apjanieńnia paćvierdziŭ miedycynski ahlad. Matacykłam kiravaŭ 17-hadovy padletak-biaspraŭnik, jaki pieravoziŭ u sankach i ciubinhu svaju maci i znajomaha — uładalnika matacykła.
Napiaredadni kampanija rabiła ramont, adnačasna piła. Niezvyčajnuju kanstrukcyju dla pieramiaščeńnia zrabili, kab dabracca dadomu.
Na ŭdzielnikaŭ «pakatušak» składzieny šerah administracyjnych pratakołaŭ.
U milicyi zaznačajuć, što katańnie na ciubinhach, sankach i inšych spartyŭnych snaradach dapuskajecca tolki ŭ śpiecyjalna abstalavanych miescach. I kateharyčna zabaroniena ich buksiravać transpartnymi srodkami.
Čytajcie taksama:
Z pačatku zimy ŭžo bolš za 200 dziaciej atrymali traŭmy padčas katańnia z horak
U Łahojsku 8-hadovy chłopčyk atrymaŭ ciažkija traŭmy hałavy pry katańni na ciubinhu
U Hrodnie šaścihadovaja dziaŭčynka atrymała surjoznyja traŭmy, katajučysia na ciubinhu