Na Niamizie ŭtvaryłasia kiłamietrovaja čarha FOTAFAKT
Apošnija paru dzion minčanie nazirajuć nieŭłaścivuju dla centra horada karcinu: na Niamizie z ranicy da viečara staić vializnaja čarha, jakaja raściahnułasia na ceły kvartał. U Śviata-Duchaŭ kafiedralny sabor pryvieźli adnu z hałoŭnych pravasłaŭnych relikvij — pojas Praśviatoj Baharodzicy, piša Onliner.by
Fota: People.onliner.by
Pavodle padańnia, Dzieva Maryja vytkała hety pojas ź viarbludžaj voŭny i napiaredadni svajoj śmierci addała apostału Famie. Vierniki ličać, što relikvija vałodaje hajučymi ŭłaścivaściami. Jašče ŭ časy Kanstancinopala hety pojas nibyta dapamoh vylečyć žonku impieratara Lva Mudraha ad nieviadomaha ciažkaha zachvorvańnia. U padziaku žančyna rasšyła pojas załatoj nitkaj.
Fota: People.onliner.by
Ź ciaham času pojas byŭ padzieleny na niekalki častak, adna ź jakich zastałasia na viečnaje zachoŭvańnie ŭ Kazanskim kafiedralnym sabory ŭ Sankt-Pieciarburhu. Mienavita jaje i pryvieźli ŭ Minsk.
Fota: People.onliner.by
Vałanciory adznačajuć, što takija čerhi byli i ŭ papiarednija dni. Relikvija budzie znachodzicca ŭ sabory da 15 lutaha.
Fota: People.onliner.by
Fota: People.onliner.by
Čytajcie taksama:
6 naiŭnych pytańniaŭ pra chryścijanskuju tradycyju šanavańnia moščaŭ