Davierčyja hramaty Łukašenku ŭručyli pasoł Japonii i jašče siami krain
Alaksandr Łukašenka 15 lutaha pryniaŭ davierčyja hramaty pasłoŭ vaśmi zamiežnych krain.
Heta zrabili pasły Azierbajdžana, Uźbiekistana, Kyrhyzstana, Turcyi, Japonii, Niepała, Sułtanata Aman i Hviniejskaj Respubliki.
Nakont adnosin ź Japonijaj Alaksandr Łukašenka źviarnuŭ uvahu, što Biełaruś raźličvaje na adnaŭleńnie paŭnavartasnaha ŭzajemadziejańnia.
«My hatovyja ruchacca pa šlachu supracoŭnictva nastolki chutka i daloka, nakolki da hetaha hatovyja našy japonskija partniory», — skazaŭ jon.
Jon nahadaŭ, što Minsk i Tokia majuć unikalny dośvied navukovaha i humanitarnaha supracoŭnictva, ale ŭ toj ža čas prapanavaŭ hetym nie abmiažoŭvacca, a iści napierad i znachodzić šlachi supracoŭnictva.
«My da hetaha hatovyja. My vielmi vysokaj dumki pra Japoniju — vysokatechnałahičnuju, dzie žyvie adkazny pracavity narod, taki ž, jak u Biełarusi. Davajcie budziem šukać šlachi ŭ hetaj składanaj abstanoŭcy da našaha supracoŭnictva», — prapanavaŭ Alaksandr Łukašenka.
Čytajcie taksama:
Pryjechaŭ z ułasnym kucharam, lubić draniki i mačanku. Jak u Minsku žyvie japonski pasoł