«Jon pamior, nie złomleny tyranijaj» — Barak Abama pra śmierć Alaksieja Navalnaha
44-y prezident ZŠA napisaŭ pra śmierć Alaksieja Navalnaha ŭ sacsietcy X (były tvitar).
Kadr ź filma «Navalny»
«Alaksiej Navalny byŭ biasstrašnym abaroncam svaich pierakanańniaŭ i pamior, nie złamany tyranijaj, jakoj jon supraćstajaŭ. Jon zmahaŭsia z karupcyjaj, natchniaŭ miljony ludziej i nikoli nie słabieŭ u svaim imknieńni da svabody słova, viaršenstva zakona i Rasii, jakaja padspravazdačnaja narodu, a nie dyktataru. Jon pamior, niaŭchilna adstojvajučy svajo bačańnie lepšaj budučyni dla svajoj krainy — heta bačańnie i jaho mužny prykład nikoli nie pamruć», — napisaŭ Barak Abama.
Pra raptoŭnuju śmierć Alaksieja Navalnaha ŭ kałonii «Palarny voŭk» za Paŭnočnym kołam stała viadoma ŭ piatnicu dniom. Hałoŭnamu rasijskamu apazicyjnamu dziejaču było 47 hadoŭ. Ahułam Alaksiej Navalny, zatrymany 17 studzienia 2021 hoda pa viartańni ź Niamieččyny ŭ Maskvu, byŭ asudžany na 19 hadoŭ.
Čytajcie taksama:
U kałonii raptoŭna pamior Alaksiej Navalny
Doktar, jaki pracavaŭ z Navalnym paśla atručvańnia, nie vieryć u viersiju pra tromb
«Hadzińnik cikaje». Bajden uskłaŭ adkaznaść za śmierć Navalnaha na Pucina i nahadaŭ pra Ukrainu
U roznych haradach śvietu adbylisia akcyi pamiaci Navalnaha FOTY