«Pucin nikoli nie vymavić jaho imia. My pavinny nazvać jaho imia». Salist U2 zaklikaŭ na kancercie skandavać imia Navalnaha
Salist hurta U2 Bona padčas kancerta ŭ Łas-Viehasie raspavioŭ sa sceny pra hibiel Alaksieja Navalnaha. Jon zaklikaŭ usich hledačoŭ nazvać imia palityka, zaznačyŭšy, što rasijski prezident Uładzimir Pucin nikoli nie nazyvaje jaho pa imieni.
Pačatak pramovy Bona było pryśviečana Ukrainie. Jon zaklikaŭ ZŠA «dać hetym ludziam [ukraincam] toje, što im patrabujecca», tamu što jany «vajujuć za našu svabodu». Artyst dadaŭ, što «nastupnymi mohuć być Polšča, Litva abo Uschodniaja Hiermanija».
«Dla hetych ludziej «svaboda» — najvažniejšaje słova ŭ śviecie. Takoje važnaje, što ŭkraincy zmahajucca i pamirajuć za heta. I nastolki važnaje, što Alaksiej Navalny vyrašyŭ admovicca ad svajoj [svabody]. Pucin nikoli nie vymavić jaho imia. Tamu ja padumaŭ, što siońnia volnyja ludzi tut, ludzi, jakija vierać u svabodu… my pavinny vymavić jaho imia. Niadosyć prosta pamiatać jaho. Havarycie: Alaksiej Navalny. Alaksiej Navalny!
Paśla hetaha hledačy stali skandavać imia Navalnaha, a hurt syhraŭ pieśniu Donʼt Dream Itʼs Over («Nie dumaj, što heta kaniec») hurta Crowded House.
Čytajcie taksama:
Na ciele Navalnaha vyjaŭleny siniaki ad kurčaŭ — «Novaja hazieta Jevropa»
Zatrymańni kala «Ściany smutku» ŭ Maskvie, kudy z ranicy niasuć kvietki ŭ pamiać ab Navalnym